შატო ზეგაანი

ზეგაანის მიკროზონა ხასიათდება სტაბილური ტემპერატურული პირობებით, ხოლო მისი კირქვა-თიხის ნიადაგი კი უზრუნველყოფს ტენიანობისა და დრენაჟის ოპტიმალურ ბალანსს, რაც შესაფერისია საფერავის ვაზის გასაშენებლად. ბოლო წლებში კლიმატის ცვლილება სულ უფრო შესამჩნევი ხდება: გვალვამ, უეცარმა ნალექმა და სეტყვამ შეიძლება საფრთხე შეუქმნას მოსავალს.

ამიტომ  „შატო ზეგაანის“ ღვინოები არ იწარმოება ყოველწლიურად, მხოლოდ იმ წლებში, როცა ამინდის ხელშეწყობით ვიღებთ იდეალური ხარისხის ყურძენს.

დღესდღეისობით ღვინო „ზეგაანს” მინიჭებული აქვს დაცული ადგილწარმოშობის დასახელების სტატუსი.

ღვინის წარმოების ყველა ეტაპი „შატო ზეგაანის“ კედლებში მიმდინარეობს: ყურძენი მოდის საოჯახო ვენახებიდან და იწყებს ხანგრძლივ, რთულ ტრანსფორმაციას — თანდათან იქცევა დაძველებულ ღვინოდ, იძენს ხასიათს და ხდება ამ ადგილის ისტორიის ნაწილი.

ჩვენ შეგნებულად ავირჩიეთ ორგანული მეღვინეობა — იმის გათვალისწინებით, თუ როგორი დამოკიდებულებით არის ჩვენი ოჯახი მიწასთან: პატივისცემით, ყურადღებითა და სურვილით — ყოველთვის შევინარჩუნოთ მისი ბალანსი. ეს ნიშნავს ვაზის მოვლას სინთეტიკური სასუქებისა და ქიმიური საშუალებების გარეშე, ბუნების რიტმის გაყოლასა და პროცესში მინიმალურ ჩარევას. ჩვენ არ ვიყენებთ ხელოვნურ მორწყვის სისტემას, რაც ვაზს საშუალებას აძლევს ბუნებრივად შეეგუოს სეზონურ პირობებს.