You have to be at least 18 years old to use our website
Are you already 18 years old?
Yes
No
Shopping Cart (0 Items)
Subtotal
0
ProductDetailQuantityUnit PriceTotal
Your cart is empty!

როგორც წესი, ყურძენი იკრიფება სექტემბერში, მაგრამ დაკრეფამდე აუცილებლად გადის ლაბორატორიულ შემოწმებას, რომელის შედეგადაც დგინდება შაქრის შემცველობა, საერთო მჟავიანობა და PH–ის დონე.

 

მოკრეფისთანავე ყურძენი ხვდება წინასწარი გადარჩევის ხაზზე, სადაც გადის საფუძვლიან გადარჩევას. ეს საჭიროა, რათა უხარისხო მარცვლები და ფოთლები არ მოხვდეს კლერტგამცლელში და პრესში.

 

გადარჩევის შემდეგ ყურძენი ელევატორით მიეწოდება კლერტგამცლელს, სადაც თითოეული მარცვალი ნაზად იწურება, რის შედეგადაც მარცვალი არ იჭყლიტება, არამედ სათუთად სკდება. მარცვალს უნარჩუნდება წვენი და მხოლოდ ამის შემდეგ გადადის ჭურჭელში შემდგომი დუღილისათვის.

 

საქართველოში ღვინის ქვევრში დამზადების ტექნოლოგია საუკუნეების მანძილზეა გამოცდილი. ჩვენი კომპანიაც ღვინის მიღების ამ მეთოდს იყენებს, მიუხედავად იმისა, რომ ბევრად შრომისმომცველია, ვიდრე სხვა.

 

ქვევრი მზადდება გამომწვარი თიხისგან, შიგნიდან დამუშავებულია ფუტკრის ცვილით, გარედან კი - კირით და მოთავსებულია მიწაში ქვევრის ყელამდე.

 

ჩვენი აზრით, ღვინის წარმოება ქვევრში ბუნებრივია და მეტად ეკოლოგიური. გარდა ამისა, დაცულია ტემპერატურის ცვალებადობისგან. ქვევრში დაღვინებული ღვინის უპირატესობა ასევე მდგომარეობს იმაში, რომ მხოლოდ იმ ჯიშის ყურძნის გემო უნარჩუნდება, რისგანაც არის დაწურული, ყველანაირი დანამატების გარეშე. შატო ზეგაანის ქვევრები ორ ტონიანი მოცულობისაა.

 

გარდა ქვევრისა ჩვენი ღვინოების დაღვინება ასევე ხდება ფრანგული მუხისგან დამზადებულ კასრებში, რომელიც უზრუნველყოფს ღვინის სრულყოფილ გემოს. ჩვენმა კომპანიამ უარი განაცხადა ღვინის რაფინირებაზე, იგი აღშობს გემოს და ხარისხს. შატო ზეგაანში ღვინის დაწმენდის ერთადერთ საშუალებად გამოიყენება დეკანტირება.

 

ყველა ღვინოს აქვს დადუღების ინდივიდუალური პერიოდი. შატო ზეგაანში ღვინის ბოთლში ჩამოსხმა იწყება 12-დან 36 თვის შემდეგ. ღვინის დადუღების შუალედში არაერთხელ ხდება დეგუსტაცია იმისთვის, რომ მივიღოთ სრულყოფილი არომატი.

 

ტექნიკურად ჩვენი პასუხისმგებლობა ამით იწურება, მაგრამ მორალურად არ შეგვიძლია, ჩვენი და ბუნების ერთობლივი ნაშრომი მივანდოთ გამყიდველს. საუბარია მიწოდების და შემდგომი რეალიზაციის ტემპერატურულ კონტროლზე და დამატებით დაცვაზე – სპეციალურ დამცავ ნიშნებზე.